//本系列會說明一些常見的「做數」方法，但目的並非叫你學會「做數」，呢啲事留番俾受過訓練的專業人士就好。相反，這系列是為了讓你更有能力去發現舞弊的「蛛絲馬跡」。//
之前喺上市公司返工，了解完嗰P&L; 就去做盡職審查。最常見到不正常嘅「startup」；實際上係「bogus company」（內地現在叫「皮包公司」），本來「皮包公司」係泛指「成間公司所有嘢淨係得個公文袋」。廿年前「皮包公司」嘅名稱並唔係咁負面的。以前因為資訊不對稱，極需要中間人安排，所以有呢類仲介存在。我有一個中港貿易客戶用咗廿年時間由一張寫子枱做到一年有800億生意額。
但係現時「皮包公司」嘅意思一般是指「操盤手」做生意：
沒錢？找有錢的合作；
沒技術？找技術人才合作；
沒產品？用Google搵供應商；
唔識財務？外判會計；
辦公室？都話係皮包公司⋯⋯
咁點樣出人工？
核心工作可以分配股份吖嘛；（冇成本）
外圍工作可以外判嘛；
技術人才？可以話幫佢搵生意嘛。之後又可以食價。
簡單啲講，操盤手搭張枱開牌局，從中間抽水。項目失敗了？就繼續下一個，反正又沒出錢……俗稱賣空氣又或者叫「空手道」。呢類公司因為基本上冇核心價值或核心技術或團隊，純粹用財技堆砌P&L去賣。買家買咗之後唔可以正常持續做生意，所以係完全唔值錢㗎！（如果連P&L都冇？咁唔專業？）
當然做得「操盤手」，都會識得包裝，例如會講：
「我同啊邊個好熟㗎」
「我有好多客㗎」
「我之後市值n億，你現時投資/幫手就正啦」
要識穿呢類「假生意」，一定要識睇：
1. 公司嘅Value Chain同埋角色。如果個生意係B2C嘅，就睇recurring frequency per customer；B2B就要睇每個客嘅生意比重。
2. 具有一定「行業壁壘」，俗稱「門檻」，如果盤生意技術門檻低，不如自己做。😂
3. 如果淨係見到操盤手，佢講過嘅人都見唔到，咁好大幾會係假嘅。
4. 如果去到佢Office，你見到成個氣氛太差或太好都唔正常。
5. 可以詳細問有關營運嘅操作。
6. Reference Check；Reference Check；Reference Check (重要嘅嘢講三次）
當然創業賣空氣不一定係詐騙，但係如何講/做出/ 埋單交出结果一定係一個重要指標。下次講成功者模式。
James Huang
Business Architect