//本系列會說明一些常見的「做數」方法，但目的並非叫你學會「做數」，呢啲事留番俾受過訓練的專業人士就好。相反，這系列是為了讓你更有能力去發現舞弊的「蛛絲馬跡」。//
上篇集中描述「偽．操盤人」做法。今篇寫我見過「真．操盤人」的成功例子。
操盤人強調嘅係資源整合，資源整合亦可以創造價值，每個成功嘅操盤人都不外乎掌握以下三種類型：
資源型
關係型資源：即「人脈資源」，如政府關係、企業關係、行業關係。
信息型資源：即「能知三日事」來賺錢，具有強烈的「信息差」。
專業型
門檻極高，靠專精領域內的價值。藝術家，KOL，專業人士都屬於呢種。
藍海型
即是扎根深耕某個「目前」較為冷門的領域，由於行業競爭小，甚至能夠形成「局部壟斷」。
重點係成功嘅操盤人自己一定有「價值、定位及角色」。無論係邊一類型，其他人都係唔容易可以複製。
根據我以往觀察，成功嘅操盤人嘅特性，特別需要強調一點：
「並非是某人因為開了個皮包公司而年賺百萬，而是因為他本身具備年賺百萬的能力，所以順便註冊了個公司。」
三年前我去過一間國內私人公司地點喺山東威海。公司嘅生意一年收入係大約8,000萬左右。員工約廿人，做軟件開發做咗6年。軟件概念非常簡單，純粹係幫助中小企喺淘寶做生意自動打印各類型物流公司嘅Label。
40萬中小企係客戶，每客每月俾15蚊人民幣，最後我提出1億收購51%股份。
原因係
1. P/E: 6倍
2. Market Leader
3. 40萬中小企可以up sell
4. 50%客戶有三年以上合作關係
另外，開始創業嘅時候呢間公司得兩個programmer……。屬於技術專業型，老闆非常踏實。資金用途係因為小朋友要去外國讀書。（明嘅……）
所以，成功例子一定要「Have chips on the table」。
James Huang
Business Architect
